It may stop but not end here...

Maraming tao ang lumalabas pasok sa ating buhay. May mga nariyan lamang kung kailangan ka, nariyan lang, nariyan lang kanina, nariyan kahapon, nariyan ngayon, nariyan sa hinaharap at ang pinakamahalaga ay ang mga nariyan at hindi mawawala. Sadyang mahirap humanap nito dahil kakaunti na lamang ang may angking katangiang ganito na nabubuhay sa mundo. Matagal din akong naghanap ngunit nakita ko siya noong hindi ko inaasahan.

Kahit saan, kahit kailan, kahit ano pa siya ay laging nasa piling ko, hinding – hindi malilimutan at kalilimutan kasama ang mga tawa, halakhak, luha, problema, solusyon, panibagong problema, sakit sa puso, paghilom ng puso, sakit na uso, sakit sa bato(gan) at matitinding sakit sa bulsa.